Версия для слабовидящих

«Из истории этномузыкологии и фольклористики: традиции, события, судьбы» Всероссийскай научнай конференция

М.Н. Жирков аатынан ДьМК (У) фольклор салаатын устудьуоннара Н.А. Римскэй-Корсаков аатынан Санкт-Петербург консерватория концертнай саалатыгар саха ырыатын-тойугун иһитиннэрдилэр, — диэн Арылхан Мойтохонов кэпсиир:

piter27092017«Бу мероприятие биһиги үөрэнэр салаабытын 1993 с. төрүттээбит РСФСР, САССР үтүөлээх уонна народнай артыыһа, СССР Суруйааччыларын Союһун чилиэнэ, П.А. Ойуунускай аатынан Государственнай бириэмийэ лауреата (өлбүтүн кэннэ), уһуйааччы Гавриил Гаврильевич Колесов төрөөбүтэ 85 с үблүөйдээх тэрээһиннэр чэрчилэринэн ыытылынна. Биһиги Н.А. Римскэй-Корсаков аатынан С-Пб. ГК төрүттэммитэ 155 сыллаах уонна  А.М. Михнецов аатынан фольклорно- этнографическай киин 95 сылыгар анаммыт «Из истории этномузыкологии и фольклористики: традиции, события, судьбы» Всероссийскай научнай конференцияга  балаҕан ыйын 27-30 күннэригэр кыттыыны ыллыбыт. Саха сириттэн бу консерваторияҕа Мария Евсеевна Николаева, Дондок Тарбаев, Роман Березкин, Лидия Новгородова, Владимир, Оксана, Константин Колесовтар, Наталья Шадрина, Николай Михеев уо. д.а. үөрэммиттэрэ. Ректор, профессор Васильев А.Е. конференция кыттыылаахтарын истиҥник эҕэрдэлээтэ. Биһиги Саха сириттэн илдьэ кэлбит дьоһуннаах миссиябытын: ДьМК (У) директора Щербаков А.А., ММиФНЯ директора, ист. н. канд. Решетникова А.П., С.А. Зверев аатынан НУТ директора Алексеев А.И., консерватория выпускниктарын аатыттан (тэрийээччи О.Г. Колесова) уонна ДуоКМ министр Тихонов В.И. эҕэрдэ суруктарын, сэмэй бэлэхтэрин уонна сибэкки дьөрбөтүн туттардыбыт.

Бу тэрээһиннэ Россия араас куораттарыттан, ону сэргэ Тываттан кыттааччылар кэлэн таһаарыылаахтык улэлээтилэр. Кинилэр хайдах бэйэлэрин омуктарын,  сирдэрин, дойдуларын музыкальнай фольклорун үйэтитэргэ, таргатарга үлэлиир уопуттарын сиһилии билиһиннэрдилэр. 1968 с. П.А. Ойуунускай «Дьулуруйар Ньургун Боотур» олоҥхотун Гавриил Колесов Ленинградка 9-с пластинкаҕа устубут легендарнай звукорежиссер Геннадий Любимов кэлэн күндү ыалдьыт буолла. Гавриил Колесов үөрэнээччитэ Варвара Обоюкова олоҥхо хайдах суруллубут историятын туһунан научнай доклад аахта, ММиФНЯ « Дьулуруйар Ньургун Боотур» олоҥхонон оҥорбут мульти-медиа проегын көмүскээн улахан сэнээрини ылла. Геннадий Павловичка министр Тихонов В.И., Христофор Максимов Фондатыттан уонна Гавриил Колесов оҕолорун аатыттан истиҥ махтал суруктар туттарылыннылар. Этномузыкология кафедратыгар үөрэнэр устудьуоннары кытта уонна ученайдары кытта творческай көрсүһүү үрдүк таһымнаахтык ааста. Фольклорно- этнографическай концертка лыбыччы симиллибит толору дьонноох саалага ыллаабыппытыттан- туойбуппутуттан астынныбыт. Биһигинниин сэргэ: Всеволожск к., С-Петербург куорат Государственнай университетын, консерватория, музыкально-педагогическай училище, Москваттан биллэр Репей коллективтар бэйэлэрин маастырыстыбаларын көрдөрдүлэр. Бу тэрээһиннэргэ сылдьан биһиги олус дуоһуйдубут. Үйэбитигэр консерватория диэннэ үктэммэтэх дьонно бу саҥа үөрэх дьылыгар бэрт дьоһуннаах хардыы дии саныыбын, уонна Музыка күнүнэн биһиэхэ олохпут тухары хаалар үтүө умнуллубат өйдөбүл. Үөрэнэр үөрэхпит кыһатын Марк Жирков  аат. ДьМК (У) аатын өрө тутарга, холобурга сылдьар айымньылаах исписсэлиис буоларга кыһамньыбытын өссө күүһүрдүөхпүт дии саныыбын. Бары учууталларбытын, уһуйааччыларбытын Музыка күнүнэн эҕэрдэлиибит!»